ກະຊວງການຕ່າງປະເທດຈີນຕອບຄຳຖາມກ່ຽວກັບຟິລິບປິນລ່ວງລ້ຳເຂົ້າໄປຫາດຕື້ນຊ່ຽນປິ່ນຂອງຈີນ

ວັນທີ 19 ສິງຫານີ້, ທ່ານນາງເໝົານິງ ໂຄສົກກະຊວງການຕ່າງປະເທດຈີນໄດ້ເປັນປະທານກອງປະຊຸມຖະແຫຼງຂ່າວ. ມີນັກຂ່າວຖາມວ່າ, ວັນທີ 19 ສິງຫານີ້, ກຳປັ່ນຕຳຫຼວດທະເລ 2 ລຳຂອງຟິລິບປິນໄດ້ລ່ວງລ້ຳເຂົ້າໄປຫາດຕື້ນຊ່ຽນປິ່ນຂອງຈີນ, ຈີນມີຄວາມເຫັນຄືແນວໃດຕໍ່ກັບເລື່ອງນີ້?

ທ່ານນາງເໝົານິງຕອບວ່າ, ຫາດຕື້ນຊ່ຽນປິ່ງເປັນພາກສ່ວນໜຶ່ງໃນໝູ່ເກາະນານຊ່າຂອງຈີນ, ເປັນຜືນແຜ່ນດິນຂອງຈີນ ແລະແມ່ນຫາດຕື້ນທີ່ບໍ່ມີຄົນອາໄສຢູ່, ຟິລິບປິນໄດ້ສົ່ງກຳປັ່ນຕຳຫຼວດທະເລລ່ວງລ້ຳເຂົ້າໄປເຂດທະເລຫາດຕື້ນຊ່ຽນປິ່ນ, ມີເຈຕະນາສົ່ງເຄື່ອງຂອງເຂົ້າໄປໃຫ້ແກ່ກຳປັ່ນຕຳຫຼວດທະເລຟິລິບປິນທີ່ຈອດຄ້າງໄວ້ຢູ່ແຄມຫາດຕື້ນຊ່ຽນປິ່ນຢ່າງຜິດກົດໝາຍ, ແລະມີເຈຕະນາຈອດຄ້າງໄວ້ຢູ່ທີ່ນັ້ນເປັນເວລາຍາວນານ. ການກະທຳດັ່ງກ່າວຂອງຟິລິບປິນໄດ້ລ່ວງລ້ຳອະທິປະໄຕຂອງຈີນຢ່າງໜັກໜ່ວງ, ລະເມີດຂໍ້ກຳນົດໃນ “ຖະແຫຼງການຮ່ວມກ່ຽວກັບການປະພຶດຂອງບັນດາຝ່າຍຢູ່ທະເລຈີນໃຕ້” ຢ່າງໜັກໜ່ວງ, ກະທົບເຖິງສັນຕິພາບ ແລະ ສະຖຽນລະພາບຢູ່ທະເລຈີນໃຕ້ຢ່າງໜັກໜ່ວງ, ຈີນຄັດຄ້ານຕໍ່ເລື່ອງນີ້ຢ່າງເດັດດ່ຽວ, ຈະສືບຕໍ່ນຳໃຊ້ມາດຕະການທີ່ເດັດດ່ຽວ ແລະ ເຂັ້ມແຂງຕາມກົດໝາຍ ເພື່ອປົກປ້ອງອະທິປະໄຕເໜືອຜືນແຜ່ນດິນ ແລະ ສິດຜົນປະໂຫຍດທາງທະເລຂອງຕົນ, ຮັກສາຄວາມເຂັ້ມງວດຂອງ “ຖະແຫຼງການຮ່ວມກ່ຽວກັບການປະພຶດຂອງບັນດາຝ່າຍຢູ່ທະເລຈີນໃຕ້”.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ເດັກຊາຍທີ່ເຄີຍເວົ້າອວດໃນຍາມອາຍຸ 10 ປີ ບັດນີ້ໄດ້ບຸກທະລຸສະຖິຕິໂລກນໍາອີກ